Imanly dost

Din-imanly bolan bolýan,
duran bolýan gapdalyňda,
ynanmaly adam ýaly,
emma näme duýgudaşlyk,
ýa bilmeýän, ýa-da ony,
uçan guş dek at-owazyň
ganatyny gyrmak üçin,
urmak üçin ulanýan är,
gözüňde ýaş görse çala,
däli sil dek bulanýan är,
ýykan-ýumran edip ýoly,
ýodalary daşa gömüp,
ahmal wagtyň häzir bolar,
gytdyr mydam derdiň aljak,
ýöne köp bor entän günün,
egniň basyp, beýge galjak.