Manysyzlygyň manysy

Bäş adamlyk ülkede,
aman galan gyrgyndan,
birisi ýa ikisi,
güp ynanyp, gurgun men,
gujurly men diýende,
galanyny aç goýup,
alyp elden çöregin,
gara gijä duwlanman,
günortany gündiziň,
güňeňlense ogurlyk,
bagşy, şahyr, sazanda
waspyn edip azanyň,
bäri-bärde durmasa,
bu ülkäniň ýüzüdir,
ýeňsesidir, özüne
mahsus bolar saýlany,
diýýär millet bimany,
gözlemek bizde many.