Artykmaç söz

Il başyna gelen açgöz toparçak,
gyssanmaç bor elmydama iýende,
çeýnäp iýmez salanyny agzyna,
lak-luk atar goparanyn lukmadan,
güjükleri ýaly ene möjegiň,
süreninde galan ýaly aç-suwsuz,
ýurt başyna gelen aňsat, meýletin
gitmez, galar il çydasa, bolýa-la,
indi pulum ýetjek bütin ömrüme,
ýa neberäm aç boljak däl diýmez ol,
hemme bilýär gumsuz doýmaýar gözler,
bu ýerde hiç täzelik ýok, açyş ýok,
belki, artyk ähli aýdyljak sözler.