Kömek kynçylygy

Eger-de adamlar, dilinde bir zat,
ýüreginde başga, ýakjak kömürin,
gara gyşa goýman, ýagdyrsa saňa,
bu seniň däl, belki, olaryň öwýän,
güjeňleýän ýüreginiň garasyn,
ýarasyn görkezýär, zäher durşuna,
olar öler awusyndan göterýän,
ýa-da galan wagtyn berer ýigrenje,
seni görüp öz öňünde hemişe,
sebäbi sen beren dälsiň jylawyň,
ýa eýeriň, böküp düşüp atyňdan,
ýa atyňy, taýçanagyň, ýaş entek,
hyýalyňda, arzuwyňda seýislän,
duşman seni atdan ýykaly bäri,
gaçyraly bäri gylyjyň elden,
pioner, komsomol oýnunda däri,
ok edinip seni özüňe garşy,
pyýada halyňa, egindeş bolup,
pikirdeşiň bolup gürrüň edende,
eger-de adamlar, okan, bilimli,
tanaýanyň üçin ursalar seni,
ýa dursalar taýýar öňüňde, yzda,
dilinde bal, emma eli zäherli,
sen olara kömek edip bilmersiň,
bolsun ildeş, bir obaly, şäherli.