Ýurt howpy

Ses gataltman, adam ýaly
gürrüň edip, düşünişip,
ýaşaýyşyň hilin, halyn,
derejesin üýtgedeli,
häzir erbet diýjeksiň sen,
o birisi o tarapdan,
bu birisi bu tarapdan,
sesiň kesip gygyrarlar,
açyk agyz, iýjeksiň sen,
ilden artyk jaý edinip,
ilden gowy geýjeksiň sen,
ogluň, gyzyň getirip kän,
tire-taýapaň göterip kän,
oturtjaksyň ýokarlarda,
sen durarsyň, çekilersiň,
gygyrýanlar hezil eder,
iýer iýip bolýan zady,
geýer geýip bolýan zady,
diýer diýip bolmajagyn,
utanarsyň görünmäge,
biri diýip şu milletiň,
kölegäňden edip heder,
ýeriň gider, ýurduň gider.