Ýalan ýesirligi

Men o niçik tire, taýpa,
nirelere baran, ýeten,
ýa nirede azaşypdyr,
haýsy kölde batan, ýiten,
ýa gözleýän ýoly haýsy,
ýa-da aldap özün, ili
utançsyzy oýnaýarmy,
oýnaýarmy haýasyzy,
gülen bolup aglamaly,
saç ütmeli haly barka,
aýtjak bolup, ýazjak bolup,
oýlanypdym onlarça ýyl,
ýalňyşmaýyn birden diýip,
emma özi aňsat etdi,
aýtdy açyk kimdigini,
nämedigin, kemin goýman,
ýalan kim bol, işdäsi bek,
ýesir düşseň, iýýär doýman.