Ýakyndaky ýagy

Uzak ýolda ýoldaş bolup,
ahmal wagtyň urup gaçýan,
gozgap köne, täze derdiň,
bile-göre ýaraň açýan,
soňra soran bolýan halyň,
goltugyňa garpyz berip,
gawun berip içi düşen,
tutan bolýan tarapyňy,
nälet okap o birine,
saňa awy, zäher saçýan,
utançsyz ol, pylan diýip,
dostdan ägä bolgun, ýalan,
içe giren duzuň iýip,
açyk duşman gowudyr has,
seni ýyksa ýykar ýaman,
ýakyn durup, edýän yhlas.