Unudylan tejribe

Ýagşylyk et, ýagşylygyň
gürrüňiňi eder seniň,
ýamanlyk et, ýamanlygyň
gürrüňiňi eder seniň,
diýipdiler gowulyk et,
erbetlik et, tutjak bolma
agyzlaryn, gürlär olar,
sözlär olar öz sözüni,
hemem düşün, näçe gowy,
päk bolsaň-da gara tapan,
ýa-da dilän ýykylmagyň,
ýa seň üçin işen sapan,
daş atmaga ahmal wagtyň
bolar, bu kän aýdylan zat,
menden gowy, owadan has,
ýöne biraz unudylan,
şu sebäpden gaýtalaýan
gowulyk et, ýüzi galyň
näme diýsin, eşitmeseň,
gaýdar daşyn yza alyp.