Siziň meseläňiz

Satan bolmaň arzan, gymmat,
gülen bolmaň ýykylanda,
göreşýäniň arkasyndan,
uly, kiçi göreşi bar,
seredýäniň öňe, yza
ýagşy, ýaman görüşi bar,
mesele däl ol siz üçin,
siz mesele, nas, neşe bar,
ýa çörek bar häzirlikçe,
arak berýär toý edýänler,
asmanymyz arassa, gök,
ýene-de kän samsyk gürrüň,
ediň, ýatyň, ýorgan barka,
ele galam alan oglan,
daga teşe salan oglan,
öz işini eder, etmez,
galar siziň meseläňiz,
sizi goýup, çykyp gitmez.