Gijigen gorky

Ýolda galan ýoldaşlary,
ýoldaş däli ýatlaýarsyň,
menziline ýetişmedik,
gowuşmadyk arzuwyna,
arman goýan yzynda kän,
ýatlaýarsyň bolanlary,
geçenleri, ýeke-ýeke,
göz öňüňde kartinalar,
gulagyňda sesler dürli,
ýaňlanyp dur wagtal-wagtal,
çykarsaň-da uzak ýatdan,
sözler, käsi syrly örän,
hereketler, öwrümlije,
soň görýärsiň, düşünýärsiň,
dost bolanyň, ýa dost däliň
niýetine, maksadyna,
sag gutulsaň, bolman däli,
tisginýärsiň birden-birden,
nädip beýle sada boldum,
nädip beýle gorkman geldim,
geçdim munça ýoly, hatar,
soraýarsyň tanap, belki,
kimler satar ýa-da atar.