Başgalara gargalýarka

Başgalara diýilýärkä
diýilmesiz, agyr sözler,
arkasyndan, özi ýokka,
ýa ýüzüne, bilip-bilmän,
ýetip-ýetmän aňyrsyna,
duşmanyň-da bolsa başga,
ýigrenilýän, ýekirilýän,
begenme sen içden, daşdan...

Eliň bolsa, tutdy diýip,
ýa uzatdy diýip bolar,
aldy diýip bolar saňa,
almasaň-da kişi zadyn,
agzyň bolsa, iýen borsuň,
diliň bolsa, diýen borsuň,
gaty aňsat, subutnama,
delil bolsa diňe güman,
ýa çaklama, bolup biljek,
bolýan zada ýakyn örän,
goramasaň, gorksaň, başga,
ýöne nähak garalama,
iki dünýe adam adyn.