Gara bazar

Bazar geldi, ýöne zalym
goýbermeýär seni oňa,
harydyňy satdyrmaýar,
garaş diýýär ertä, daňa,
agşam awyň atdyrmaýar,
ne okuň bar, ne-de däriň,
aw tüpeňiň tabşyrmaly,
onuň awlan guşun öwüp,
boş gollaryň gowşurmaly...

Bazar geldi, ýöne husyt
goýbermeýär seni oňa,
egil diýýär aşak, aşak,
garaş diýýär ertä, daňa,
sebäbi sen kümüş daşap,
altyn daşap, gul bolmaly,
gül bolmaly melleginde,
sarysy däl, gyzyly däl,
ak gül bolsaň, iň gerekli,
özüň bilýäň soňun oýnuň,
kim dereksiz, kim derekli?