
Durmuş näme?
Durmuş seniň wezipäň däl,
iş bitirýän, uly, kiçi,
saçagyň däl durmuş seniň,
dogan-gardaş gelse ýazan,
kesekiden gysganmadyk
jaýyňam däl durmuş seniň,
myhman alan ýakynlaryň,
ulagyň däl, täze, köne,
durmuş seniň göreşleriň,
kynçylygyň ýolda duşan,
dostlaryň ol, ýalanjykdan,
goran seni ertir, agşam,
gaçan sähel gyssag görse,
ýüze duran ýykmak üçin,
töhmet atan adamlar ol,
gybat eden adamlar ol,
bir, iki däl, hemmejesi,
ýakynsyran gowy wagtyň,
durmuş sapak beren saňa,
ýatdy diýip indi bagtyň.