Uzyn we gysga dil jedeli

Onuň dili uzyn boldy,
baryp ýetdi patyşa-da,
gaty uzyn, kesilmeli,
başy bilen, boýny inçe
bolar ýaly beýlekiler
diýilermiş o bir ilde,
dogry sözi aýdýan dinli,
ýa imanly diýip birden
zalym şanyň garşysynda
sözüň aýtsaň, gorkan ili
gorkuzarsyň has-da beter
içindäki hederlerden...

Dinler başga, durmuş başga,
dymmak dessur, diýilse-de
dogry söz bor uly sogap,
ýa diýseler beýik doga,
aýtsaň diýip gerek ile,
görüp durup hakykaty,
durup bilmän, hemmä belli,
kanun, kada köpük bolar,
ykbal bolar elli-elli...

Ýöne onda, munda köplük
gul bolsa-da gorkusyndan,
gülen bolup, dünýe pany,
ýalançydyry diýip ýalan,
bolan bolsa aşakda däl,
öz ýanyndan göge galan,
uly, kiçi, ähli ilde
aýdan bolar, aýtjak bolar
ýürek sözün geljekde-de,
dogry, käsi aglar soňra,
arman galar güljekde-de,
sözün aýdan ölen güni,
dirilik ne, bilen güni...