
Häkim beýikligi
Eger-de sen häkim bolsaň,
höküm etseň başgalara,
ýöne-möne adam däsliň,
hondanbärsi bolmalysyň,
nirä barsaň sylag, serpaý,
el ýetenin almalysyň,
öwülmeli ýalan-ýaşryk,
ýalňyşsaň-da yz-yzyna,
hatalaryň hiç boýnuňa
almaly däl, gülmelisiň,
gelip bilmän ýüzüňe il,
hantamalyk gursun diýip,
bize uzak azar bolman,
päli özün ursun diýip,
uklap bilmän açlygyndan,
çörek ýerne suwdan doýsa,
iki-ýeke gürläniniň
çagalaryn ýetim goýsaň,
özüň batyr bilmelisiň,
näçe ezseň halky, şonça
beýik bolup ölmelisiň.