Gedemlik belasy
Bilimsizlik bela dälmiş,
bilýän üçin bilmeýänin,
agsaýanyn nirde, haçan,
nirelerde galandygyn,
ýa-da näçe eglenenin,
näçe ýyllap köplük bolup,
süri bolup ygyp yzda,
ýöremegiň ýalandygyn,
aýakda däl, diňe dyzda,
kösenenin bilýän üçin,
bilýän üçin gülünýänin,
aldyrmaýan bolsa özün
boş sözlere, garpyzlara,
gotugyna berlen, salnan,
bilimsizlik bela dälmiş,
bolsa-da kän öňi alnan,
dert dälmiş ol kaýyl däle,
oturmasa 'bilemok-da,
bilmerin hiç' diýmeýäne,
öwrenermiş bilmeýänler,
ýuwaş-ýuwaş isleseler,
ýöne bela, agyr bela
gedemlikmiş, gözüň gapýan,
kim bol ahyr, paltasy ýok,
gopbamlykmyş seni çapýan.