Adamyň güýji

Adam güýjün, kuwwatyny
tapar diňe göreşende,
biler diňe dikelende,
ýatman gaty düşeginde,
gozgananda ýerinden ol,
egne alyp gerek ýükün,
guşagyny çekende bek,
ilki azdan, soňra uzak
ýol geçende aňlar kem-kem
gaýratyny, gara günde,
garşysyndan güýç çykanda,
iteklände döşünden ýel,
açgöz hanyň nökerleri
tutan güni uzatman el,
depen güni tanar özün,
çekilmeli, dymmalymy,
ýa ele daş almalymy,
biler adam ýykylanda,
turanynda ýerden ýene,
ol özüne bagly diňe,
garaşly däl hiç birine,
synanyşman, kaýyllygy
salman bilse ýüregine.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2025