![Surat](/assets/images/2025-01-26-834.jpeg)
Galam dogasy
Bu seniň täk ybadatyň,
her gün ele galam alyp,
ýazjak bolýaň pikirleriň,
başa gelen, geçip barýan,
belki, senden öňem köpe
salam beren, kakyp gapy,
ýöne ýerden gelmez gelen,
kakmaz gapy ýöne diýip,
alyp taňry salamyny,
ýetişeniň ýazsaň haýdap,
bilenleriň bukman, aýdyp,
bu seniň täk ybadatyň,
haka, hakykata, günde
ýola çykýan adamlara,
işe diýip, diýip çagam
aç galmasyn agşamara,
göz gyzdyrman il malyna,
ýa ýalana gulluk etmän,
dogry, bu ýol hatarly ýol,
ýöne busma, gorar ykbal,
bu seniň täk ybadatyň,
tur, eliňe galamyň al!