Lex iniusta non est lex

Adalatsyz kanun kanun däl asla,
hukuk fakultetin gutaran oglan,
gyzlar bilýär, eşidendir iň bolman,
ýöne okan, diplom alan adalat
esgeri däl, malyň esgeri bolup,
ýuwaş-ýuwaş, ýa-da birden, kösenmän,
elinden çekilip, ýokaryk galyp,
saňa adalaty getirip bermez,
onuň işi bolmaz adalat bilen,
görmelisin görer, bolmasa – görmez,
olar alar alyp bolýan zatlary,
janyňa çen, iki şaýy ýasasa,
sen ynanma hukuk goraýan diýse,
hassa eder zamananyň hassasy.