Garyba git

Sen başyňa iş düşende,
garalansaň, ýaralansaň,
mätäç bolsaň çaý, çörege,
ýa-da galsaň aýakgabyň
ýyrtyk, ýirik, sowuk gyşda,
garyba git, baýa gitme,
barma begiň gapysyndan,
dogan bolsun, bolsun dostuň,
ýa-da öňki pikirdeşiň,
garaşmadyk adamlaryň,
belki, baýan azda-kände,
bolup biler iki-ýeke,
ýöne bilýän boljagyny
ertir hökman ýalňyz teke...

Sen başyňa iş düşende,
kesekä git, ýakyna däl,
ýakynsyran ýatdan beter,
geler olar dikeleňde,
ejiz bolsaň, eder heder.