Özüň üçin

Özüň üçin duran bolsaň,
ör boýuňa galyp, busman,
busanlardan ötünç sorap,
saýma ili çäksiz asman,
ownuk-uşak kän bor onda,
bir, iki däl, yzyn kesmän,
utandyrjak bolsalar-da,
şükür, sapak berdi saňa
geçireniň äsgermese,
daş, ýakyndan ýaňsylasa,
özün iýýän göýdük, bahyl,
çekindiň kän, çekildiň kän,
birleşmesin nadan diýip,
gelmän göni ýüzlerine,
besdir indi, öz mertebäň,
öz sylagyň gaýgysyn et,
eýdip, beýdip aşak basjak,
ýa kiçeltjek bolýan kümsük,
eglemesin, geç deňinden,
ýa jaň etse, alma jaňyn,
saňa ýeter sylaýanlar,
ýa bilýänler kimdigiňi,
başgalaryň ne diýeni,
ne diýjegi esasy däl,
esasy zat özüň seniň,
öz içiňden gelýän sesler,
her bir ädim daşlaşdyrýan,
eglejekden ýoldan seni,
dermanyňdyr, bejer özüň,
sylaýyň-da diýmän meni.