Gymyldy karty

Eger-de sen basjak bolsaň gorkyňy,
aladaňy, içde turuzýan tozan,
ýa ýatyrjak bolsaň ýelleriň sesin,
gulaklaryň gapýan, aýlaýan başyň,
hakyakatda bolmasa-da daşarda,
oturma öýüňde, bürenip ýorgan,
bilip bilmän indi näme etjegiň,
diýýärler çyk ýorganyňdan öňürti,
muny ozal edip gören adamlar,
soň diýýärler çyk öýüňden daşaryk,
pikirin bil gelenleriň, gitjegiň,
pikir etme ýurdy batyran gaýga,
ulus ili eden çörek ýesiri,
hiç gorkusyz etdi diýip bu işi,
hereket et, ilki ýuwaş, seresap,
aýagyňdan ozal gymyldar beýniň,
ýeke söz, sözlemden başlanýar kitap.