Duran durmuş

O birleri, döwlet ýa-da adamlar,
seniň okap, bileniňi islemez,
ýa-da islär özüne çen öseniň,
saklajak bor eli ýeten, dil biten,
geçeniň islemez deňinden adam,
ýakynlar, ýat, siňe baksaň, seretseň,
bir asyr däl, iki asyr, on asyr,
basyp alyp, gul edinip bir-birin,
adamlar adamy azat etjege,
başga pikir getirjege başarsa,
özgerişe garşy göreşip ýadan,
içden gelsin, daşdan gelsin, durmuşyň
durmasy ýok, eglenmesi ýok, bilseň,
ol ösüşde, özgerişde hemişe,
belki, beden galyp, dynç alar ölseň.