Peslik baýdagy

O birisi bu biriniň üstünden,
eýdip-beýdip agalygyn gurmaly,
urmaly ol ony saklamak üçin,
gygyrmaly tapan zadyn ulanyp,
alyp bolýan bolsa gykylyk bilen,
ýa haýýarlyk bilen almaly gala,
soň aňyrky galalary almaly,
gul etmeli bitin ili, illeri,
goşun, nöker bolar ýaly eliňde,
ulanmaly kelleleri, beýnini,
çörek pulun berip akyl-paýhasyn,
göwherini almak üçin ap-arzan,
bu bir kada, çukur saklanmak üçin,
dowam etmek üçin göýdük mesligiň,
o birleri bu birlerin basmaly,
beýik diýip, baýdak edip pesligin.