Urma, depme

Kim sen, näme diýmän gülüp,
äsgermezlik edilse-de,
basylsa-da üstünden kän,
hiç sesini çykarmaýan
dymýan adam uzak, agyr,
basgylanan mertebesi,
bolýan ýaly beter ýagyr,
başyn ýerden galdyrmasa,
pikir etme, ýürek, bagyr,
birçak ýanyp gutarypdyr,
barjak ýeri bolmaz, pahyr,
görmez diýme uzak güneş,
ýa saýgarmaz ýol, ýodany,
dymýan millet hatarlydyr,
urma, depme kän ýadany!