Şu wagta çen

O biriniň öz öýünde,
bu biriniň köçesinde,
şäherinde edýän işi,
beýlekiniň döwüp dişin,
ýurtda bolýan ogurlyklar,
talaňçylyk uly, kiçi,
il çydasa çäre tapman,
ýa ruhy mesele kän,
asyrlardan galan, sypman,
boşap bilmän zynjyryndan,
iller sessiz ölýän bolsa,
bu biriniň öý işi däl,
işi däl ol köçäniň-de,
ýa şäheriň, bütin ýurduň,
bu dünýäniň meselesi,
ol o ýurtda edenini
etse, ursa, gyrsa soňsuz,
beýlekiler ýarag berse,
tomaşaçy bolsa galan,
şu wagta çen ahlak hakda
aýdylanyň bary ýalan.