Erkek adam

Ol özüne erkek diýýär,
murt goýberýär, sakgaly bar,
telpek geýýär silkip başa,
urlup gelýär gyzy aýda,
çagalary yzan-çuwan,
ol gyzyny goramaýar,
gep çykmasyn öýden daşa,
at-abraý gerek diýýär,
bar, git diýýär, düşen ýeriň,
öýüň bilen oňuşjak bol,
urýar diýip aglaýar gyz,
öldürmänkä ýygnaýyň-da,
başga nirä gideýin men,
çagam galar ýetim ölsem,
ýok, ýok, bolmaz diýýär ata,
çydajak bol, kim urlanok,
aýrylyşmak bolar hata...