Sadaka syýasaty

Sadaka, aç doýurmak,
geýindirmek çyplagy,
öý dikişmek öýsüze,
otssuz bolsa ojagy,
odunyny getirmek,
gündizine ýa gije,
goýup gitmek bildirmän,
nirelerden gelýär bu,
adat bolupdyr haçan,
dindenmi ýa dessurdan,
ýa-da ýanalan, gaçan,
ýagşylardan galypdyr,
aç, ýalaňaç galmasyn,
mätäçlikden ölmesin,
ýer sermenip hiç ynsan,
bugdaý nanyň bolmasa,
bugdaý sözüň ýokmudy,
diýen ýaşmak ýaşynman,
diýenleriň sözüne
uýupdyrlar öň zaman...

Indi başga zamana,
sözüň güýji güýçli däl,
toply, tüpeňli dana,
a sadaka syýasat,
oýun boldy owadan,
telewizor suraty,
kime saçak ýazylýar,
kim kowulýar, gerek däl,
golaýlama, daşda dur,
üsti-başy abatlar,
gel, geç töre, başda dur,
bu syýsat, sadaka
boldy köne erteki,
sada etsin işini,
gije-gündiz der döküp.