Kitap urşundaky ýeňliş

Ozal duşman topun süýräp gelende,
ýaragly uruşda ýeňildi millet,
dilin, däbin zyňyp ikinji orna,
kaýyl boldy çekip ýaşasa minnet,
soň ýeňildi ýaryşynda akylyň,
pikir, düşünjäniň, gadagan edip,
il-gününiň gözün, üşügin açjak
ýazyjysyn, şahyrlaryn ot, ýalyn,
öçürdi suw sepip, köpeldi gaçjak,
ýa-da täze Lenin baba döretjek,
birin goýman, döwlet gyrdy ganatyn,
gara ganym galyplaryn döwjegiň,
sylady ol tapmadygy özüni,
ýolun arçap ýok geljegi öwjegiň.