Temek ýatlamasy

Görüpdim kän iki günlük
emel ýetip gomalýany,
el-aýagy taýak bolup,
ejiz görse somalýany...

Gurbanowy görüpdim men,
görüpdim men Otuzowy,
Nazarowy, Gurbanbibi,
haýsy birniň adyn tutjak,
Gajarowiç döwri geçdi,
mulikowlar geldi utjak...

Temek görsem göge galan,
ýüz keşbi däl hiç biriniň
ýada düşýär ady çala,
gomalanyň käbiriniň,
somalanyň il öňünde,
taýak bolup döwülmejek,
käsi öçdi hakydadan,
goýmaz bizi diýlenleriň,
gördüm az däl, onlarçasyn
ili ýüpsüz güýlenleriň.