Ýesir medeniýeti

O birleri mertebä,
ara, namysa garşy,
egjek başyn iliniň,
diýýär ýüzüň galdyrma,
gepleme hiç soraman,
bilmän näme diýmeli,
diýmeli däl nämäni,
düşünjesi - hemmeler
telewizor görmeli,
okamaly gazeti,
öwrenmeli nähili
sözler boldy ýörgünli,
ýaşulalar dilinde,
ýaşkiçiler dilinde,
ýaryşmaly nähili,
çyn sözde däl, ýalanda...

O birleri mertebä,
garaýyşa başgaça,
pikirlere üýtgeşik,
aňa, üşüge garşy,
gämi seniň işiň däl,
seniň iş däl deňiz,
çöksek, deşige garşy,
durma, ýeke iş etme,
sebäbi bu haýynlyk,
diýýär garşyma gitme.

Ýaşaýyşa garşy ol,
il deňinde, dünýäde
geçinmäge gep bolman,
otur diýýär halkyna,
meniň bilen çep bolman.