Bilim howpy

Gul eýesi, bilim berse,
kitap berse ellerine,
gazet, žurnal azat bolsa,
erkin bolsa ýazyjylar,
özün satyp, bolmasalar
il gabryny gazyjylar,
orden, medal alyp ýylda,
gul eýesi ýaşap bilmez,
öňküsi dek dona sygman,
biler gullar zynjyryny
gyrar ertir pagta ýygman,
ölmez-ödi aýlyk üçin,
çörek üçin döwüm-dişlem,
gije-gündiz diýip durman,
işlejekler azalarlar,
gul eýesi, bilim berse,
bilýär iller ar alarlar.