Nobatdaky kommunist

Sen gaýygyň ýakyp gelseň,
otlap gelseň geçen köpriň,
belki, ilki pikir etmän,
gelen ýeriň asly hakda,
öňki, soňky nesli hakda,
derdi hakda, dermany ýok,
ýer gözleseň ýer ýüzünde
meselesi, armany ýok,
permany ýok gapma-garşy,
öňki tussag, soňky jellat,
öňki jellat, soňky bendi,
dünýe bolar alan-aldy,
ýalňyşarsyň gaty müçük,
düşünmeseň adam näme,
sapaklary soňsuz, goçak,
bile münseň deşik gämä,
goý, dilinde näme diýsin,
tanamasaň kesen sesin,
ozal onda aýagasty
etmek islän bolşewigiň
zynjyryny gyran eliň,
aýaklaryň baglap özüň,
nobatdaky kommuniste
berdigiň bor baglap gözüň.