Seniň düzedişiň

Sen olary döretmediň,
getirmediň bu jahana,
kazysy däl hiç biriniň,
garalawçy, aklawçy däl,
almaýarsyň aýlyk, pylan,
sen olary özgertmersiň,
sen olary düzetmersiň,
düzetmeli bolsaň hatda,
düzetdirmez olar saňa,
özüň düzet ilki bolsa,
özüň döret ilki bolsa,
özgert özüň günde biraz,
özgerdikçe görersiň kän
kemçiligiň, bilmeýäniň,
gaýdyp eliň degmez ile,
okanlaryň, öňde-soňda,
diňlänleriň, gulak gapyp,
özüň ýaly gözlänleriň,
aldananyň tapman tapyp,
umytlaryn akdyr sile,
peýda bolmaz olardan hiç,
sen başgany ýaratmarsyň,
ýarat özüň ir ýa-da giç.