Zerurlyk

Zerurlyk bir patyşadyr,
okajak bol özüň ilki,
düşünjek bol okanyňa,
seret siňe öňe, yza,
seret siňe ýokarlaryk,
näme bolýar, näme gelýär,
näme geçýär nirden nirä,
wagtynda gör, saýgarjak bol,
aşak bakma, özüň ýakma
otsuzlaryň ody bilen,
tüsse bilen gözüň gapma,
kyssa bilen gerekmejek,
gussa bilen kyrkbir emjek,
ertir aýdan sözün agşam
unudýana bolma göjek,
tutjak bolsa serçe, perçe,
öz gözünden görýän diňe,
özün aldap örýän diňe,
atsyzlaryň ady bilen,
ýatsyzlaryň ýady bilen,
huşy bilen galjak bolma,
zerurlyk bir patyşadyr,
güň bolandan nusga alma.