Milli aýratynlyk

Hökümet ýok, eden-etdi,
alan-aldy, giden-gitdi,
gandal sal-da, getir bolsa,
ýat illerde bilmän hetdin,
gürlän bolsa, ýüzün açyp,
ýa-da indi, ýadap halys,
gitjek bolsa ýurtdan gaçyp,
puly bolsa, puluny al,
ýa alyp gal gowurdagyn,
iş tapýança mydar boljak,
türkmençilik - talaňçylyk,
ýalançylyk boldy, besdir,
bir adamyň sesi çyksa,
jellatlary iber, kesdir,
agzybirlik – baýdagymyz,
ýykylandan alsyn yzdan
gelýänleriň biri ýetip,
hökümet ýok, bir-birini
ýere soksa millet itip.