Peslik bilen mesligiň arasy

Suw akarmyş teşnelere garaşman,
ýa yssylan, salkynlajak adama,
bu durmuşyň öňden gelýän kanuny,
berim bilen, peşgeş bilen düzedip,
suwy terse akdyrýanlar bolsa-da,
ol soňundan döner, tapar ýoluny,
dünýä gelip, gözi açylan adam,
pikir etse, biler sagyn, soluny,
zeriň güýji, zoruň güýji jedelsiz,
hiçisi bolmasa, ynanma güman,
goý, diýsinler aýrar seni imandan,
o bir sözdür, maýyl bolma köp gepe,
gapyl galyp, urulasyň gelmese,
begen her gün säher açaňda gözüň,
ne-hä ýaşar, ne-d öler il mesi.