Aralyk ölçegi

Ezýän bilen ezilýäniň arasy,
uzyn, gysga zynjyr bilen ölçelmez,
ölçelmez ol çörek bilen türmede,
yzyňdan gelse-de, ýetmeýän agza,
ölçeler ol köpçüligiň körlügi,
kaýyllygy bilen süteme ýazgyt,
kysmat diýip, depä degen taýagy,
adamyň däl, Allaň işi hasaplap,
öňe, öňe, ýene öňe diýýäniň,
yza çekýän gullaryna ýaýaplap,
garaşýanlar, belki, gazetde urlup,
dalanmazlar bakmaz ýaly ýüz-göze
ezýän bilen ezdirýäniň arasy
düşünjede, köne bolsun ýa täze.