Iň üýtgeşik tire

Seniň, belki, iň tobasyz duşmanyň,
saňa garşy çykýanlar däl el-aýak,
onda, munda heläk bolup, aslyşyp,
uzakdan, ýakyndan galgadyp taýak,
iň bolmanda gybat edip, garalap,
töhmet atyp bor-bolgusyz özüçe,
begenjini gizlemeýän ýaralap;
iň erbedi, aýylganjy duşmanyň
dostuň bolar, ýa ýalandan raýdaş,
diýýän mydam ýüküň agyr, ýol uzak,
pikir edip göýä durar diýsem daş,
işden goýjak, çak etmersiň, dilinde
bir zat aýdar, ýüreginde başgasy,
bu bir tire, taýpa bolar, ozany,
erin bolar düýşde ýüp tapsa, asyp.