Esasy kemçilik

O birleri, bu birleri, ýadymda,
konýak içdim diýýän ýaşuly bilen,
sapar etdim näçe ýurda ýanynda,
maslahatlar mensiz geçmejek ýaly,
özi görüp, goşdurýardy sanawa,
bir janyny ynanýany menmişim,
arasynda akly başdan çogýanyň,
aýdan sözün üç-dört adam getirdi;
o birleri, bu birleri, ýadymda,
soň işini, azatlygyn ýitirdi,
oýna, çyna düşünmedik oýnatgy,
pida boldy baş oýunçyň özi hem,
kändi daşdan seredeňde ýeserje,
ýöne, belki, dilde ýürek sözi kem.