Baş mesele

Mesele hiç sanynda däl işsiziň,
mätäçleriň, ýylba-ýyldan köpelen,
sanynda däl tussaglaryň mesele,
türmedäki sowuk, ysssy, açlykda,
hassalaryň sanynda däl mesele,
ne dermany, ne iýjegi tapylýan,
sanynda däl ölenleriň horlanyp,
ýykylan öýleriň, ýetim çaganyň
sanynda däl meseleler, ýüz, elli,
ýapylan iş orunlary, az aýlyk,
ýa tutuljak aýlygy däl işläniň,
berilmeli paralar däl emellä,
ýa ýurdundan bez bolanyň, gideniň,
gitjjekleriň sanynda däl ol asla,
gelmejegiň sanynda däl mesele,
niýetde ol, döwlet başyna gelen,
birinji, ikinji, gara ýüzümiz,
gara ýürek bolup ýatyp bilmekde,
mesele biz, kim biz, näme, soraman,
jogap bermän, ýalan aglap, gülmekde.