Kolonial sapak

Olar bilýär adamlaryň öljegin,
dert tapynyp kemsitmeden, aç ýa dok,
emma başyn ýerden göterip bilmän,
depder, galamyna ýapyşyp, ýalan,
ýasama ýylgyryp, ýürekden gülmän,
bilýär olar gul bolanyn milletiň,
entek uzak mertebesiz galjagyn...

Bilýär olar tebigy däl bu gylyk,
galdy gelip basyp alan ýagydan,
gyryp başyn galdyrany, mejbury,
kolhoz bolsaň döwüm çörek eçilen,
bu bir surat bolup bilmez ak, gara,
hem gylsyrat geçilmejek, geçilen.