Il batgasy

Basyp alan, goý, kim bolsun,
düşer ahyr basylanyň üstünden,
ölüp düşer, ýa-da ölüp ýetişmän,
öldüm-öldüm dermanyndan aslyşyp,
ýerine ogluny, gyzyny goýup,
gutuljak bor basyp alan hassalar,
asanlary, ezilenler toplanyp,
düýşde gelip, ýüpsüz dardan assalar...

Ata-baba agzy ala, ýeňilen,
bozulan milletiň oglany, gyzy,
dyzanaklap ýara bolansoň dyzy,
näme geljek meniň elimden diýip,
öz-özüni ýok etmese diplomly,
ýa diplomsyz, özün gemirip, iýip,
dogulanyň bary aglap ýatmasa,
basyp alan, goý, kim bolsun, basylar,
il öz eden palçygynda batmasa.