Geçilmedik synag

Aýnany kim alsa, şol alsyn diýip,
ýalan gülki, gürrüň bilen, gep bilen,
alym-berim bilen ýaşamak, galmak,
gyrp-çyrp bilen gün aýlamak kyn bolar,
indi biraz birleşeliň, adamlar,
iki-ýeke dogry sözliň daşynda,
diýseň synag bir, ikiniň, üçüň däl,
garryň, ýaşyň, aýal-gyzyň başynda,
Alla bardyr diýip, dilde imanly,
ýüreginde müňkür bolan mähelle,
biri-birin satýar indi gyssanyp,
itýär bolsa gazylmadyk çukura,
hem yzyny gömjek bolýar, sylagy
il-güne däl, özüne-de galmadyk,
ýykandan soň ýatyp, üstüne dagy...