Ýaşmaklylar tiresi

Deň-duşlaryň ýaşmakly,
agalaryň ýaşmakly,
inileriň ýaşmakly,
goňşularyň, obadaş,
şäherliler ýaşmakly,
gozganmaýa ýerinden,
guma çyksaň çopanam
diýýar Alla gorasyn
hökümetiň şerinden,
ulus-iliň ýaşmakly,
iki ýeke ýaşmagyn
açan bolsa aýyply,
haýyn diýse hökümet,
ýaşmaklylar ýylgyrsa,
täç geýen dek başyna,
mynasypdyr o tire,
büdrän kesek, daşyna.