Başa gelen

Bu gün gelen, il başyna musallat,
birden, edil aýtman, diýmän gelmedi,
aýdyp geldi, tümmek boldy köp adam,
wah, köp adam ajalyna ölmedi...

Muhammet Myratly öldürilýärkä,
ýuwajadan, el degirmän, belki-de,
töhmet bilen türmä girip, çykansoň,
Ogultäç ölýärkä gan inip beýnä,
Döwlet, Merdan, körpe ogul Parahat
türmä atylýarka bahana bilen,
tomşaçy millet özüne gezek
geljegini pikir edip bilmedi,
ýa-da bilip, şärik boldy terrora,
başa gelen birden, ýeke gelmedi.