Bolşewik hederi

Sen ömüriň berip işe, adamyň
mertebesin gorap, ogurlyk adat,
alym-berim däp bolanda dik dursaň,
gara başyň gowga salyp kyrk ýyllap,
ýene-de kimdigiň, näme niýetiň
bolanyny subut edip, söz gözläp,
düşündirip bilmän, içden gygyrsaň,
garalanda gowy geýnen ýalançy,
galan gara saçyň agarar birden,
Aşgabat sudunda duýup özüňi,
bolşewikler dikelen dek, hederden.