Olaryň günäsi

Eger öýde birleri
hiç bir işi etmese,
ýa-da etse bir işi,
iki işi özüçe,
ýeňil-ýelpaý, päline,
niýetine ylaýyk,
beýleki iş, oňaýsyz,
ýa agyrrak, hatarly,
talap edýän tagalla,
gaýrat, ýürek ullakan,
başgalara goýulsa,
aýal diýmän, gyz diýmän,
diýmän garry ýa çaga,
işden gaçýan, daş ýürek,
ýaş bolsa-da, bor aga.

Öý, hojalyk ýüki deň,
jogapkärlik bolmasa,
uly uly ýerinde,
öz ornunda galmasa,
çaga çaga ýerinde,
öz borjuny bilmese,
agyr bolar ýyl-ýyldan,
öýüň işi bulaşar,
her näçe ýalbar Alla...

Bu diňe öý işi däl,
döwletde-de şeýleräk,
köpeldikçe passiwler,
üstesine agressiw,
baran ýerin ýumurýan,
dikeltmegiň ýerine,
ýurduň işi kyn bolar,
hiç kim diýmez men asy,
günäkär bolar olar...