Ýazyjylar birleşigi

Ýazyjylar birleşigi,
birleşik däl, biri-birin
çekeleýän, diri iýýän,
buýruk gelse partiýadan,
bary üýşüp, lepbeý diýýän,
düýnem sylan kärdeşlerin
ganym duşman, haýyn saýýan,
diňe özün garalaman,
kyhlananyň zähmetine,
işlerine hapa guýýan,
maşyn alan, jaý edinen,
at-dereje alan begler,
türmä düşmän galan begler,
habar gelýär, agyr günde,
ýeke-ýeke ölýär garrap,
ýa garraman, içi dertli,
Ýazyjylar birleşigi,
öz-özüni nirä eltdi?