Pahyr

Adam, daşy guramadyk, neresse,
ýüňi ýeten kazy bolup bireýýäm,
o birine dinsiz diýip dyzaýar
bu birine dinli diýip dyzaýar,
başga bolsa, ýa bolmasa ynanjy,
puly, maly oýun ýaly dünýäniň,
adam bolsaň bolýan böwrüňde sanjy,
haçan, nirde öwrenipdir bu käri,
gargaýar ol, bellisi ýok, kimlere,
garalaýar, ak ýerini goýmaýar,
özüm näme, bilýärinmi kimdigim,
ili nirden tanaýyn men diýmeýär,
ýa bilmeýär ile näme bolanyn,
ýöne bilen bolýar, gynançly örän,
din-imany, kime aýan, kime syr,
bu dünýäni, o dünýäni, boljagy,
doýa garny doýman ulalan çaga,
kemsidilen, öýke-kine urupdyr,
bolan bolýar indi ulalan, aga.